त्या दिसा वडा कडेन

देखणे ते चेहरे.....
देखणे ते चेहरे जे प्रांजळाचे आरसे ।गोरटे की सावळे या मोल नाही फारसे ॥
तेच डोळे देखणे जे कोंडीती सार्या नभा ।वोळिती दुःखे जनांच्या सांडिती नेत्रप्रभा ॥
देखणे ते ओठ की जे ओविती मुक्ताफळॆ ।आणि ज्यांच्या लाघवाने सत्य होते कोवळे ॥
देखणे ते हात ज्यांना निर्मितीचे डोहळे ।मंगलाने गंधलेले सुंदराचे सोहळॆ ॥
देखणी ती पाऊलेजी ध्यासपंथे चालती ।वाळवंटातूनसुद्धा स्वस्तिपद्मे रेखिती ॥
देखणे ते स्कंध ज्या ये सूळ नेता स्वेच्छया ।लाभला आदेश प्राणां निश्चये पाळावया ॥
देखणी ती जीवने जी तॄप्तीची तीर्थोदके ।चांदणॆ ज्यातुन वाहे शुभ्र पार्यासारखे ॥
देखणा देहान्त तो जो सागरी सुर्यास्तसा ।अग्निचा पेरुन जातो रात्रगर्भी वारसा ॥
:- बा. भ. बोरकर.
बाकिबाब हांका विनम्र अभिवादन !!