मालवणी कविता

पेजे बरोबर तोराची शीर
जेवणात आसता शिरवळ्याची खीर
इसारतलस सगळा....
एकदा माज्या वांगडा कोकणात फिर.

माशे कालवा कुर्ले सुकटा शिंपले
वड़े सागोति खायसर रवाचो नाय धीर
काजू खा फणस खा अडसार खा
व्हयो तसो मार आडयो हात वडया भजीर
इसारतलस सगळा....
एकदा माज्या वांगडा कोकणात फिर.
समुद्र नदी व्हाळ आनी विहीर
हिरविगार शेता तेच्यात पाखरा भिरभिर
इसारतलस सगळा....
एकदा माज्या वांगडा कोकणात फिर.
वर्षभर खेळता बहर हयल्या झाड़ा येलीर
सगळ्यानचा खानपान शिजता एकाच चुलीर
एकदा माज्या वांगडा कोकणात फिर.
गणपतीसोबत आमी पुजतव हुनिर
न्हेवरे खाशीत तर मागुचय नाय पालक पनीर
इसारतलस सगळा....
एकदा माज्या वांगडा कोकणात फिर.
शिमगो जत्रा दशावतार भजना
नाय बगुक गावाचि दुनियेच्या पाठीर
चतुर्थेक तर अकरा दिवस स्वर्गच् उतारता जमनीर
इसारतलस सगळा....
एकदा माज्या वांगडा कोकणात फिर.
नाय कसली चिंता नाय कसली फिकिर
माहेरा सारख्या सासर भावासारखो हयलो दिर
इसारतलस सगळा....
एकदा माज्या वांगडा कोकणात फिर.
पाहूंणचार रवता वस्तेक आमच्या हातीर
काळीज सुदा करतव आमी पुढे मित्रा खातिर
तुजो पण जीव जड़तलो कोकणच्या मातीर
इसारतलस सगळा....
एकदा माज्या वांगडा कोकणात फिर
माहेरा सारख्या सासर भावासारखो हयलो दिर
इसारतलस सगळा....
एकदा माज्या वांगडा कोकणात फिर.
पै पावन्न्याक सोडुक आमी आजव येतव गावच्या येशिर
अडला जर काय कोणाचा
तर केवा करनव नाय पोचाक उशीर
इसारतलस सगळा....
एकदा माज्या वांगडा कोकणात फिर.
शांत साधो स्वभाव हीच आमची जागीर.
आणि काय सांगू तुका
स्वतः तो भगवंतच आसा ह्या कोकणचो कारागिर
इसारतलस सगळा...
एकदा माज्या वांगडा कोकणात फिर.